លោក Xi Jinping ផ្ញើសារលិខិតឆ្លើយតបទៅកាន់សមាជិកទាំងអស់នៃ “ក្រុមប៉ូលីសពិសេស១១០”នៃក្រុងZhangzhou ខេត្ត Fujian
នាពេលថ្មីៗកន្លងទៅនេះ លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិនបានផ្ញើសារលិខិតឆ្លើយតបទៅកាន់សមាជិកទាំងអស់នៃ“ក្រុមប៉ូលីសពិសេស១១០”នៃក្រុងZhangzhou ខេត្ត Fujian ដោយលើកឡើងការលើកទឹកចិត្តយ៉ាងស្និទ្ធស្នាលនិងការរំពឹងទុកយ៉ាងជ្រាលជ្រៅចំពោះពួកគេ ។
លោក Xi Jinping បានថ្លែងក្នុងសារលិខិតឆ្លើយតបថា “ក្រុមប៉ូលីសពិសេស១១០”នៃក្រុងZhangzhou គឺជានាមប័ណ្ណដ៏លេចធ្លោនៃប្រព័ន្ធសន្តិសុខសាធារណៈ ដែលបានបន្សល់ទុកនូវចំណាប់អារម្មណ៍យ៉ាងជ្រាលជ្រៅដល់ខ្ញុំ ។ ការការពារសុភមង្គលរបស់ប្រជាពលរដ្ឋនិងការពារសន្តិសុខរបស់គ្រួសារនិងប្រទេសជាតិ គឺជាភារកិច្ចធ្ងន់របស់បុគ្គលិកការពារសន្តិសុខសាធារណៈគ្រប់រូប។ សង្ឃឹមថា ប៉ូលីសសន្តិសុខសាធារណៈគ្រប់រូបនឹងប្រកាន់ខ្ជាប់បំណងដើម ផ្សព្វផ្សាយប្រពៃណីដ៏ល្អប្រសើរ ហ៊ានរ៉ាប់រងទំនួលខុសត្រូវ ដើម្បីធ្វើជាអ្នកការពារបក្សនិងប្រជាជនដ៏ស្មោះត្រង់ ៕